'Gorwelion Diddiwedd' - Hydref 13 - Rhagfyr 24, 2024
Bydd arddangosfa newydd Louise yn agor ar Hydref 13 am 2yp ac yn parhau tan Rhagfyr 24. Bydd yn arddangosfa ar y cyd gyda cyd-artist Cymreig, Pete Jones.
Cefais fy ngeni ym Mangor a'm magu ym Methel Caernarfon, heblaw am gyfnod byr tra yn y brifysgol rwyf wedi byw yng Ngogledd Cymru ar hyd fy oes. Trwy gydol fy mhlentyndod ac fel oedolyn ifanc roeddwn yn darlunio a phaentio'n frwd.
Fodd bynnag, hyfforddais yn wreiddiol i fod yn feddyg meddygol. Ymgartrefais yng Nghricieth a gweithio fel meddyg teulu
Yn fy 30au hwyr cefais ddiagnosis o glefyd Parkinsons, a bu farw fy chwaer iau yn sydyn, Er mwyn ymdopi â'r galar dechreuais â chelf eto. Gan dreulio fy holl amser rhydd yn peintio a thynnu lluniau tu allan yn bennaf , roeddwn yn cael fy adnabod yn lleol fel y “Painting Doctor”
Dechreuais arddangos fy ngwaith yn llwyddiannus a chael fy sefydlu fel artist, felly 15 mlynedd yn ôl rhoddais y gorau i Ymarfer Cyffredinol yn llwyr
Rwyf bellach yn gweithio fel artist gweledol llawn amser ac mae fy stiwdio wedi’i lleoli yn Nhregarth, ger Bethesda.
Mae fy ngwaith yn llawn mynegiant ac rwy'n cael fy ysbrydoli gan fy mhrofiadau bywyd personnol, yr amgylchedd lleol, pobl, a hanes. Mae fy ngwaith yn hawdd ei adnabod, gan fy mod yn defnyddio technegau gwneud marciau arloesol a newydd.
Rwy'n aelod etholedig o'r Academi Frenhinol Gymreig (Academi Frenhinol Cymru).